Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 46 Hüküm no: 21 Orijinal metin no: [7b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Argiri’nin büyük oğlu Yorgi’nin kardeşleri Yani, Panayot ve Periye’ye vasî tayin edilmesi Havâss-ı aliyye tevâbi‘inden Avas nâm karyede sâkin iken mürd olan Argiri veled-i ( ) nâm zimmînin oğulları Yani ve Panayot ve sagīre kızı Peripe’ye babalarından irs-i şer‘le intikāl eden emvâlini hıfz u hırâset ve ahvâllerini zabt için vasî nasb olunmak lâzım ve mühim olup işbu hafizü’l-kitâb kebîr oğlu Yorgi nâm kimesne hizmet-i vesâyete kādir olmağın kıbel-i şer‘den mezbûr Yorgi vasî nasb ve ta‘yîn olunup merkūm dahi hizmet-i vesâyeti edâya müte‘ahhid oldukda mâ hüve’l-vâki‘ bi’t-taleb ketb olundu. Tahrîren fî evâsıtı ( ) li sene semânin ve ışrîn ve elf. Şuhûdü’l-hâl: Bâli b. Bâli, Yani veled-i İstemad, Apostol veled-i İstemad, Aleksi veled-i Kozma, Yorgi veled-i Luka, Dimitri veled-i Karayani, Yani veled-i Petro ve gayruhüm.