Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 54 Hüküm no: 31 Orijinal metin no: [11a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Ahmed’in kardeşi Mehmed Çelebi’yi vasî tayin etmesi Medîne-i Hazret-i Ebî Eyyûb-i Ensârî -radiye anhu Rabbühü’l-Bârî- mahallâtından Aşçıbaşı mahallesi sâkinelerinden Emine bt. Ahmed nâm hâtun meclis-i şer‘-i şerîf ve vâcibü’t-teşrîfde karındaşı fahrü’l-eşbâh Mehmed Çelebi b. Ahmed nâm kimesne mahzarında ikrâr ve takrîr-i kelâm edip karındaşım Mehmed Çelebi’yi techîz ve tekfînime ve sâir vesâyâmı tenfîze vasiyy-i muhtâr nasb ve ta‘yîn eyledim. Şöyle ki: Ecel-i mev‘ûd-ı gayr-ı merdûd erişip “irci‘î ilâ Rabbiki râdıyeten marziyye” nidâsına icâbet edem mâlımdan dört bin akçe ifrâz edip techîz ve tekfînime ve eyyâm-ı mu‘tâdede tabh-ı ta‘âma harc u sarf eyleye dedikde mezbûr Mehmed Çelebi dahi vesâyeti edâya müte‘ahhid olmağın mâ hüve’l-vâki‘ bi’t-taleb ketb olundu. Tahrîren fi’l-yevmi’s-sâdis aşer min şehri Ramazâni’l-mübârek li sene erba‘a ve ışrîn ve elf. Şuhûdü’l-hâl: El-mezbûrân