Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 95 Hüküm no: 76 Orijinal metin no: [30a-2 Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa ve Mehmed adlı çocuklara nafaka takdir edildiği Hâkim-i muvakki‘ a‘lâ hâze’l-kitâb, hâric-i Galata mahallâtından Selime Hâtun mahallesinde bundan akdem vefât eden Hasan Beşe b. Abdullah’ın Mustafa ve Mehmed nâm sagīreyninin nafaka, kisve ve sâir havâic-i zarûriyyeleri için, himâye ve terbiyesi altında bulundukları Hanife bt. Abdullah nâm vasîlerinin talebiyle, müteveffâ-yı mezbûr babalarından irs-i şer‘le kendilerine intikāl eden mâllardan alınmak üzre zeylde mezkûr târihden i‘tibâren her birine yevmî râyicü’l-vakt beşer akçe farz ve takdîr etti. Hâkim-i mûmâ-ileyh, meblağ-ı mezbûru sarf etmeye ve vakt-i hâcetde istidâne edip lede’z-zafer rücû‘ etmeye mezbûre Hanife Hâtun’a izin verdi. Cerâ zâlike ve hurrire fi’t-târihi’l-mezbûr. Şuhûdü’l-hâl: Kemâ sebeka