Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 110 Hüküm no: 94 Orijinal metin no: [36a-2 Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali adlı çocuğa nafaka takdir edildiği Hâkim-i muvakki‘ a‘lâ hâze’l-kitâb, hâric-i Galata mahallâtından Kulaksız mahallesinde bundan akdem vefât eden Mustafa Reis’in Ali nâm sagīr oğlunun nafakası, kisvesi ve sâir havâic-i zarûriyyesi için, himâye ve terbiyesi altında bulunduğu Fazlullah Çelebi b. Mustafa nâm vasîsinin talebiyle, müteveffâ-yı mezbûr babasından irs-i şer‘le kendisine intikāl eden mâllardan alınmak üzre zeyl-i kitâbda mezkûr târihden i‘tibâren yevmî râyicü’l-vakt yedi akçe farz ve takdîr etti. Hâkim-i mûmâ-ileyh meblağ-ı mezbûru sagīr-i merkūmun havâicine sarf etmeye ve vakt-i hâcetde istidâne edip lede’z-zafer rücû‘una mezkûr Fazlullah Çelebi’ye izin verdi. Cerâ zâlike ve hurrire fî evâili Receb.