Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 78 Hüküm no: 47 Orijinal metin no: [15a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şükrullah Kapudân’ın kölesini azat ettiği Udûlden Seyyid Mahmud Çelebi b. Yusuf ve Şaban b. Musa nâm kimesneler meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzırân olup, âti’z-zikr âzâd ikrârını inkâr eden, mahmiye-i Galata tevâbi‘inden Kasımpaşa kasabası mahallâtından Seyyid Ali Çelebi mahallesinde sâkin iken bundan akdem fevt olan Şükrullah Kapudân’ın veresesi olan Yusuf ve Mehmed nâm iki oğlu ile Ümmühâni bt. Ali nâm zevcesi mahzarlarında, açık kaşlı, elâ gözlü, orta boylu, omuzunda eser-i cerh bulunan hâmilü hâze’l-kitâb Yusuf b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr Şükrullah hâl-i hayâtı ve zamân-ı nefâz-ı tasarrufâtında kendisine rıkkını mu‘terif olan abd-i memlûk-i mezkûrunu cemî‘ mâlından âzâd etti. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Abd-i merkūm bu sûretle sâir ahrâr-ı asliyyîn-i mükellefîn gibi hür oldu. Mevâlînin utekā üzerinde şer‘an sâhib oldukları hakk-ı velâdan gayrı üzerinde kimesnenin bir hakkı kalmadı. Cerâ zâlike ve hurrire fî evâhiri Şa‘bâni’l-mu‘azzam sene ihdâ ve hamsîn ve elf. Şuhûdü’l-hâl: Yusuf Bey b. Resul, Mustafa Çelebi b. el-Müezzin, Hasan Çelebi b. Hüseyin el-Müezzin, Receb Çavuş b. Ramazan ve gayruhüm.