Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 130 Hüküm no: 95 Orijinal metin no: [29a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed adlı çocuğa nafaka takdir edildiği Hâkim-i muvakki‘ a‘lâ hâze’l-kitâb bi tevkī‘ihi’l-müstetâb, mahmiye-i Galata mahallâtından Câmi‘-i Kebîr mahallesinde sâkin iken bundan akdem fevt olan Hasan Çelebi’nin Ahmed nâm sagīr oğlunun nafakası, kisvesi ve sâir havâic-i zarûriyyesi için annesi ve hâdinesi hâmiletü hâze’l-kitâb Fâtıma bt. Abdullah’ın talebi ile müteveffâ-yı mezbûr babasından irs-i şer‘le kendisine intikāl eden mallardan alınmak üzere zeyl-i kitâbda mezkûr târihden i‘tibâren yevmî râyicü’l-vakt sekiz akçe farz ve takdîr etti. Hâkim-i mûmâ-ileyh, meblağ-ı mefrûz-ı mezbûru sagīr-i merkūmun havâicine sarf etmeye ve vakt-i hâcetde istidâne edip lede’z-zafer rücû‘ etmeye mezbûre Fâtıma’ya izin verdi. Cerâ zâlike ve hurrire fî gurreti Zilhicceti’ş-şerîfe sene ihdâ ve hamsîn ve elf. Şuhûdü’l-hâl: Receb Efendi b. Mehmed, Mehmed Efendi el-İmâm, umdetü’l-müderrisîn Süleyman Efendi, Hüseyin b. Hasan ve gayruhüm mine’l-hâzırîn.