Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 273 Hüküm no: 233 Orijinal metin no: [68b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed adlı çocuğa amcası Ali Beşe’nin vasî olduğu Mahmiye-i Galata mahallesi sâkinlerinden udûlden el-Hâc Mustafa b. Abdullah ve el-Hâc Ali b. Mehmed nâm kimesneler meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzırân olup, husûs-ı âti’l-beyânı münkir olan hasm-ı câhid mahzarında, dâhil-i mahmiye-i Galata mahallâtından Alaca Mescid mahallesinde sâkin iken bundan akdem vefât eden Rıdvan Beşe’nin karındaşı bâ‘is-i hâze’l-kitâb Ali Beşe b. Cafer’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr maraz-ı mevte yakalanıp başını ölüm yastığına koyduğunda sagīr oğlu Mehmed’in tesviye-i umûru için müdde‘î-i mezbûru bizim yanımızda vasiyy-i muhtâr seçti. Mezbûr Ali Beşe de vesâyet-i mezbûreyi kabûl edip hizmet-i lâzımesini edâyı müte‘ahhid oldu. Cerâ zâlike ve hurrire fi’l-yevmi’l-hâ[mis] ve’l-ışrîn min Şevvâli’l-mübârek sene isneyn ve hamsîn ve elf. Şuhûdü’l-hâl: Hüseyin b. Osman, Ali Beşe b. Hüseyin, Abdi Çelebi b. Ali, Mahmud b. İlyas, Ali Çelebi b. Mehmed, Ahmed b. Musli, Mehmed b. Receb, el-Hâc Mehmed b. Ali, Mahmud Çelebi er-Reis