Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 292 Hüküm no: 251 Orijinal metin no: [73a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Çelebi adlı çocuğa nafaka takdir edildiği Hâkim-i muvakki‘ a‘lâ hâze’l-kitâb bi tevkī‘ihi’l-müstetâb, Mustafa Çelebi b. Mehmed Çelebi b. el-Hâc Kurd nâm sagīrin nafakası, kisvesi ve sâir havâic-i lâzımesi için, himâye ve terbiyesi altında bulunduğu Âişe bt. Yusuf Bey nâm annesinin talebiyle müteveffâ-yı mezbûr babasından irs-i şer‘le kendisine intikāl eden mallardan alınmak üzere zeyl-i kitâbda mezkûr târihden i‘tibâren yevmî râyicü’l-vakt on akçe farz ve takdîr etti. Hâkim-i mûmâ-ileyh sonra meblağ-ı mefrûz-ı mezkûrun sagīr-i merkūmun havâicine sarfına ve vakt-i hâcetde istidâne edip lede’z-zafer rücû‘una mezbûre Âişe’ye izin verdi. Cerâ zâlike ve hurrire fi’l-yevmi’l-hâmis min Recebi’l-mürecceb sene isneyn [selâse] ve hamsîn ve elf. Şuhûdü’l-hâl: El-Hâc Rıdvan b. Abdullah, Mehmed b. el-Üstâd, Mehmed Çelebi b. el-Haddâm, Abdi Çelebi b. Abdullah, Mahmud b. İlyas el-Haddâm