Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 335 Hüküm no: 289 Orijinal metin no: [82a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin, Hasan ve Râbia adlı çocuklara nafaka takdir edildiği Hâkim-i muvakki‘ a‘lâ hâze’l-kitâb, bi tevkī‘ihi’ş-şerîfeti’l-müstetâb, Sinan Beşe b. Abdullah’ın Hüseyin, Hasan ve Râbia nâm evlâd-ı sıgārının nafaka, kisve ve sâir havâic-i lâzımeleri için, himâye ve terbiyesi altında bulundukları Atîka bt. Nasuh nâm annelerinin talebiyle mahmiye-i Galata tevâbi‘inden Sarı Lütfi mahallesinde sâkin iken bundan akdem fevt olan müteveffâ-yı mezbûr babalarından irs-i şer‘le kendilerine intikāl eden mallardan alınmak üzere zeyl-i kitâbda mezkûr târihden i‘tibâren yevmî râyicü’l-vakt altı akçe farz ve takdîr etti. Hâkim-i mûmâ-ileyh, meblağ-ı mefrûz-ı mezkûrun sıgār-ı merkūmînin havâicine sarfına ve vakt-i hâcetde istidâne edip lede’z-zafer rücû‘una mezbûre Atîka’ya izin verdi. Cerâ zâlike ve hurrire fi’l-yevmi’s-sâbi‘ min şehri Şevvâli’l-mübârek sene selâse ve hamsîn ve elf. Şuhûdü’l-hâl: Es-Sâbikūn