Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 336 Hüküm no: 291 Orijinal metin no: [82b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe ve Fâtıma adlı çocuklara nafaka takdir edildiği Hâkim, medîne-i Hazret-i Ebî Eyyûb-i Ensârî -radiye anhu Rabbühü’l-bârî- mahallâtından Baba Haydar mahallesinde sâkin iken bundan akdem fevt olan Ramazan Ağa b. Sefer’in Âişe ve Fâtıma nâm sagīre kızlarının nafaka, kisve ve sâir havâic-i lâzımeleri için, himâye ve terbiyesi altında bulundukları hâmiletü hâze’l-kitâb Sâliha Hâtun bt. Abdullah nâm annelerinin talebiyle müteveffâ-yı mezbûr babalarından irs-i şer‘le kendilerine intikāl eden mallardan alınmak üzere zeyl-i kitâbda mezkûr târihden i‘tibâren yevmî râyicü’l-vakt otuz akçe farz ve takdîr etti. Hâkim-i mûmâ-ileyh, meblağ-ı mefrûz-ı mezkûrun sagīreteyn-i merkūmeteynin havâicine sarfına ve vakt-i hâcetde istidâne edip lede’z-zafer rücû‘una mezbûre Sâliha Hâtun’a izin verdi. Cerâ zâlike ve hurrire fi’l-yevmi’s-sâdis min Şevvâli’l-mükerrem sene selâse ve hamsîn ve elf. Şuhûdü’l-hâl: Fahrü’l-akrân Ahmed Ağa b. Ali, Seydi Beşe b. er-Râcil, Ali Beşe b. Seydi, Abdi Bey b. Abdullah, Mehmed Çelebi b. Davud