Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 174 Hüküm no: 91 Orijinal metin no: [22a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen Mustafa, Mehmed ve Ali adlı çocuklara nafaka takdir ettiği Hâl-i hayatında mahrûse-i Galata mahallâtından Sultan Bâyezid Han -tâbe serâhu- mahallesinde sâkin iken bundan akdem vefât eden merhûm Ahmed Beşe’nin Mustafa, Mehmed ve Ali nâm evlâd-ı sıgārına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını sıgār-ı merkūmînin vasîyy-i muhtârı bâ‘isüˈl-vesîka Kazancı Sinan Beşe taleb etmeğin, hâkim-i muvakkı‘-ısadr-ı kitâb dahi sıgāār-ı mezbûrînin her birine nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt beş akçe, cem‘an on beş akçe farz ve takdîr edip vakt-i zarûretde istidâne ve hîn-i zaferde rücû‘a mezkûr Sinan Beşe’ye izin birle mâ-vaka‘a biˈt-taleb ketb olundu. Cerâ zâlike ve hurrire fi’l-âşir min-şehri Şevvali’l-mu‘azzam min-şuhûri sene selâse ve semânin ve elf. Şuhûdü’l-hâl: Hacı Mustafa b. Ali, Yusuf Çelebi b. Hacı Yunus, Ömer Efendi b. Mehmed el-mukayyid, İsa Bey b. Halil, Hüseyin Çelebi b. Ali, Ahmed b. Osman, Ramazan Beşe er-râcil