Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 321 Hüküm no: 208 Orijinal metin no: [48a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babası ölen İshak adlı çocuğa vasî atadığı Mahmiye-i Galata muzâfâtından Tophâne mahallâtından el-Hâc Memi mahallesinde sâkin iken bundan akdem vefât eden el-Hâc Receb Halîfe’nin İshak nâm sagīr oğlunun tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīr-i mezbûrun müteveffâ-yı mezbûr babasından irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin sahib-i hâze’l-kitâb Bektaş Çelebi b. Oruc nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-hâmis ve’l-işrîn min-Cumâdelûlâ li-sene erba‘a ve semânîn ve elf. Şuhûdü’l-hâl: Ahmed Çelebi b. Şaban, Ahmed Ağa b. Mustafa Çavuş, Yusuf Beşe b. Abdullah, Mehmed Çelebi b. Rıdvan, İbrahim Çelebi b. Mahmud, Hasan Halîfe b. Mahmud,