Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 353 Hüküm no: 233 Orijinal metin no: [54a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mirza Kapudan’ın terekesi Kasımpaşaˈda Yahya Kethudâ mahallesinden olup Akdenizˈde bundan akdem vefât eden Mirza Kapudanˈın hâric-i ez-defter mâlından sagīr oğlu Ahmedˈin hissesine isâbet eden iki yüz kırk guruşa vasiyyesi Naime Hatun yedinde iken sagīr-i mezbûr vefât eyleyip verâseti vâlidesi mezbûre Naimeˈye ve li-ebeveyn er karındaşı Mehmed ve li-ebeveyn kız karındaşı Safiye Hatunˈa münhasıra olmağla meblağ-ı mezbûrdan kırk guruş ber-mûceb-i hüccet sagīre-i mezbûrenin nafaka-i mefrûzası ihrâç olundukdan sonra sahhaˈl-bâkīden verese beyninde taksîm olunduğudur ki zikrolunur. Fiˈl-yevmiˈl-hâdî veˈl-işrîn min-Cumâdelâhire li-sene erba‘a ve semânîn ve elf. Meblağ 200 esedî guruş 12 Minhaˈl-ihrâcât Techîz ve tekfîn 1200 Resm-i âdî 360 Kassâmiye 120 Kâtibiye, ihzâriye 240 Harc-ı hüccet-i vesâyet 200 Yekûn 2000 Sahhuˈl-bâkī Hissetüˈl-ümm 7333 Hissetüˈl-âh 1778 Hissetüˈl-uht 4889 Yüz yirmişer akçe hesâbı üzre bu cümle mâl esedî guruşdur