Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 413 Hüküm no: 277 Orijinal metin no: [65b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin anne karnındaki cenine ve babası ölen Ayşe adlı çocuğa vasî atadığı Zikri câ’î müteveffânın zevce-i metrûkesi olup hâlen mahmiye-i Galata tevâbi‘inden kal‘a-i Boğazkesen mahallâtından Meydâncık mahallesinde sâkine Fâtıma bt. İbrahim Ağa nâm hatunun batnındaki hamlin ve bundan akdem vefât eden zevc-i mezbûr Mustafa Beşe’nin Âişe nâm sagīre kızının tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīre-i mezbûreye ve cenîn-i mezkûra müteveffât-ı mezbûreden irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğlarına değin mahmiye-i Kostantıniyye mahallâtından Küçük Ayasofya mahallesinde sâkin hâmil-i hâze’l-kitâb el-Hâc Mehmed b. Mustafa nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’r-râbi‘ aşere min-Recebi’l-ferd li-sene erba‘a ve semânîn ve elf. Şuhûdü’l-hâl: Ahmedî Efendi b. Mehmed el-imâm, Mehmed Bey b. Hasan et-tabbâh, Ramazan Bey el-cündî, İbrahim Bey b. Ramazan, Çukadâr Osman Beşe