Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 430 Hüküm no: 283 Orijinal metin no: [67b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Emetullah adlı çocuğa vasî atadığı Mahmiye-i Galata tevâbi‘inden Rumelihisarı mahallâtından Şah Mehmed Fenârî mahallesinde sâkineler iken bundan akdem vefât eden Âişe ve Rukiye bintey Mustafa nâm müteveffiyenin kız karındaşları Emetullah bt. Mustafa nâm sagīrenin tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīre-i mezbûreye müteveffiyeyn-i mezbûreteynden irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin hâmile-i hâze’l-kitâb Havva bt. İsmail nâm hatunu vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’l-hâmis aşere min-şehri Recebi’l-ferd li-sene erba‘a ve semânîn ve elf. Şuhûdü’l-hâl: Mehmed Efendi b. Mustafa el-imâm, Mehmed Çelebi b. Sefer Kethudâ, Mehmed Ağa b. Hüseyin l-cündî, Mehmed b. Ali el-müezzin, Abdullah Efendi b. Abdurrahman, el-Hâc Receb b. Osman