Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 435 Hüküm no: 287 Orijinal metin no: [68b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Havva adlı çocuğa nafaka takdir ettiği Mahmiye-i Galata mahallâtından Câmi‘-i kebîr mahallesinde sâkine iken bundan akdem vefât eden Fersa bt. Abdullah nâm hatunun Havva nâm sagīre kızına müteveffât-ı mezbûreden müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, mahalle-i mezbûrede sâkin Mustafa Çelebi b. Abdülmennan nâm vasîsi taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīre-i mezkûreye nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt beş akçe farz ve takdîr edip meblağ-ı mefrûzu sagīre-i mezbûrenin havâicine sarfa ve vakt-i zarûretde istidâne ve hîn-i zaferde rücû‘a mezbûr Mustafa Çelebi’ye izin birle mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâbi‘ ve’l-işrîn min-şehri Recebi’l-ferd li-sene erba‘a ve semânîn ve elf. Şuhûdü’l-hâl: Mâ-sebeka