Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 447 Hüküm no: 293 Orijinal metin no: [70b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Mustafa adlı çocuğa vasî atadığı Hâl-i hayatında mahmiye-i Galata tevâbi‘inden Beşiktaş kasabası mahallâtından Bekir mahallesinde sâkin iken bundan akdem vefât eden Hadîce Hatun bt. Receb Bey’in Mustafa nâm sagīr oğlunun tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīr-i mezbûra müteveffât-ı mezbûreden irs-i şer‘le intikāl eden mâllarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’r-rakīm bevvâb-ı sultânî Mehmed b. Hamza nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fi’l-yevmi’s-sâdis aşere min-şehri Recebi’l-ferd li-sene erba‘a ve semânîn ve elf. Şuhûdü’l-hâl: Fahrü’l-eimme Mehmed Efendi b. Halil, Mehmed Efendi b. Abdullah, el-Hâc Ali b. ferrâş, Ahmed Bey b. Abdullah, el-Hâc Mehmed el-kayyum