Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 578 Hüküm no: 395 Orijinal metin no: [94b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin babaları ölen Halil ve İbrahim adlı çocuklara nafaka takdir ettiği Hazret-i Ebâ Eyüb el-Ensârî mahallâtından Çavuş Kasım mahallesinde sâkin iken bundan akdem vefât eden Ahmed Beşe nâm müteveffânın Halil ve İbrahim nâm sagīreyn oğullarına müteveffâ-yı mezbûrdan müntakil muhallefâtdan külle yevm nafaka ve kisve-bahâ ve sâir havâic-i lâzıme için kadr-ı kifâye meblağ farz ve takdîr olunmasını, bâ‘isetü’l-vesîka Kerîme bt. Eyüb nâm vasî taleb etmeğin, hâkim-i muvakkı‘ a‘lâhü el-mütevakkı‘ rızâi rabbihî ve mevlâhu dahi sagīreyn-i mezkûreynin her birine nafaka ve kisve-bahâ için mal-ı mûrisden zeylde mezkûr târihden külle yevm râyicü’l-vakt altı akçe farz ve takdîr edip meblağ-ı mefrûzu sagīreyn-i mezbûreynin havâicine sarfa ve vakt-i zarûretde istidâne ve hîn-i zaferde rücû‘a mezbûre Kerîme hatuna izin birle mâ-vaka‘a biˈt-taleb ketb olundu. Cerâ zâlike ve hurrire fî 25 min-Zilka‘de li-sene 84. Şuhûdü’l-hâl: Mehmed Ağa b. Eyüb, Ahmed Ağa b. A[bdullah], Hüseyin Çelebi b. Ali, Ali Beşe b. Halil, Ahmed Beşe b. Yahya Beşe, Mehmed Çelebi çukadâr, İvaz Beşe b. ( ), Kapıcı Ahmed el-münâdî