Galata Mahkemesi 114 Numaralı Sicil (H. 1083-1085 / M. 1672-1674) cilt: 54, sayfa: 735 Hüküm no: 537 Orijinal metin no: [125a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin annesi ölen Ayşe adlı çocuğa vasî atadığı Mahmiye-i Galata tevâbi‘inden Kasımpaşa kasabası mahallâtından Bedreddin Bey mahallesinde sâkine iken bundan akdem vefât eden Fâtıma bt. Mustafa nâm hatunun Âişe bt. Yusuf nâm sagīre kızının tesviye-i umûruna vasî lâzım olmağın, hâkim-i muvakkı‘-ı a‘lâhü el-mütevakkı‘ rızâi rabbihî ve mevlâhu, sagīre-i mezbûreye müteveffât-ı mezbûreden irs-i şer‘le intikāl eden mallarını hıfz ve hallerini zabt için evân-ı rüşd ve hadd-i bulûğuna değin hâmil-i hâze’l-kitâb fahrü’l-akrân Mustafa Çelebi b. Ali nâm kimseyi vasî nasb ü ta‘yîn eyledikde ol dahi kabûl ve hizmetini edâyı ta‘ahhüd etmeğin mâ-vaka‘a biˈt-taleb ketb olundu. Cerâ zâlike ve hurrire fî-gurreti Rebî‘i’l-âhir li-sene hamse ve semânîn ve elf. Şuhûdü’l-hâl: eş-Şeyh Mehmed Efendi b. el-Hâc Bayram, Abdülaziz Efendi b. Şerif, Ahmed Ağa b. Abdülvahhab, Hüseyin Çelebi b. Ali, Ahmed b. Osman