Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 784 Hüküm no: 1024 Orijinal metin no: [121b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mâhımünir bt. Abdullah’ın câriyesi Vildan’ı âzat ettiği Mahmiye-i İstanbul’da Hasan Paşa mahallesinde sâkine Mâhımünir bt. Abdullah nâm hâtun meclis-i şer‘-i şerîf-i lâzımü’t-teşrîfde ikrâr ve takrîr-i kelâm edip bana rıkkıyyetini mu‘terife olan uzun boylu, açık kaşlı, kara gözlü Rûsiyyetü’l-asl bâ‘isetü’l-kitâb Vildan bt. Abdullah nâm câriye-i memlûkemi hasbeten lillâhi’l-Hallâk tahrîr ve i‘tâk ve zümre-i harâir-i asliyyâta idrâc ve ilhâk eyledim ba‘de’l-yevm mevsûfe-i mezkûre Vildan sâir harâir-i asliyyât gibi hürre olup üzerinde velâ-i şer‘îden gayrı hakkım kalmadı dedikde mâ hüve’l-vâki‘ bi’t-taleb ketb olundu. Fi’l-yevmi’l-hâdî aşer min Şevvâli’l-mükerrem li sene seb‘a ve seb‘în ve elf. Şuhûdü’l-hâl: Es-Sâbikūn.