Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 45 Hüküm no: 21 Orijinal metin no: [5b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar kadısının Adalar nahiyesine naip atadığı Bismillâhirrahmânirrahîm Yâ Fettâh, yâ Rezzâk, yâ Kerîm, yâ Allah İzzet-meâb, şerî‘at-nisâb Mevlânâ es-Seyyid İsmail Efendi kâm-yâb Ba‘de’t-tahiyyeti’l-vâfiye inhâ olunur ki Üsküdar kazâsı muzâfâtından Adalar nâhiyesinin umûr-ı ahkâm-ı şer‘iyesi işbu bin yüz yetmiş sekiz senesi Şa‘bân-ı şerîfi gurresinden zabt etmek üzere cenâbınıza tefvîz ve sipâriş olunmuşdur gerekdir ki gurre-i merkūmeden kazâ-i mezbûra varup beyne’l-ahâlî icrâ-yı ahkâm-ı şer‘iyede takayyüd-i tâm ve cidd ü ihtimâm eyleyüp ve vâki‘ olan mevtâ-yı askeriye ve belediyesini dahi tahrîr ve terkīm ve beyne’l-verese bi’l-farîzati’ş-şer‘iye tevzî‘ ve taksîm ile ecr-i cezîle nâil olasız ve’s-selâm. Hurrire fi’t-târîhi’l-merkūm El-Abdü’d-dâ‘î li’d-Devleti’l-aliyye el-Hâc Mehmed Naşid El-kādı bi-medîneti Üsküdar