Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 84 Hüküm no: 15 Orijinal metin no: [2b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aşçı Kirkor v. Kigork’un Aram v. Agop aleyhine açtığı alacak davasında iddiasını ispat edemediği Aşçı tâifesinden Kirkor v. Kigork zimmî Galata’da mahfil-i kazâda Aram v. Agop zimmî muvâcehesinde mersûm Aram zimmî zimmetinde aşçılık ücretinden alacağım olan altmış guruşun yirmi sekiz guruşunu ba‘de’l-ahz bâkī otuz iki guruşun bana vermemekle hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm Aram zimmî ba‘de’t-tahlîfü’ş-şer‘î mûcebince müdde‘î-i mersûm da‘vâ-yı mezkûresiyle mersûm Aram zimmîye bilâ-beyyine mu‘ârazadan men‘ olunduğu bi’l-iltimâs. Fî 8 M sene [1]221.