Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 180 Hüküm no: 208 Orijinal metin no: [19b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Praşkova v. Todori’nin karzdan Yani v. Yorgi’den yüz guruş alacağı olduğu Praşkova v. Todori nâm zimmî Galata Bâb Mahkemesi’nde meclis-i şer‘de Yani v. Yorgi nâm zimmî muvâcehesinde mersûm Yani zimmî zimmetinde cihet-i karzdan yüz guruş alacak hakkım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Praşkova zimmî ber-vech-i muharrer müdde‘âsını lede’t-tezkiye makbûlü’ş-şehâde idükleri ihbâr olunan Foti v. Abraham ve Yorgi v. Togodoş nâm zimmîler şehâdetleriyle mersûm Yani zimmî muvâcehesinde vech-i şer‘î üzere isbât etmeğin mûcebince müdde‘î-i mersûm Praşkova zimmîye meblağ-ı mezkûr yüz guruşu edâ ve teslîme mersûm Yani zimmîye tenbîh olunduğu huzûr-ı âlîlerine i‘lâm olundu. Fî 28 R sene [1]221.