Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 217 Hüküm no: 283 Orijinal metin no: [26b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Petro v. Yani’nin kendisine küfrettiği iddiasıyla Manav Dimitri aleyhine açtığı davada iddiasını ispat edemediği Şerbetçi esnâfından Petro v. Yani zimmî Galata Bâb Mahkemesi’nde meclis-i şer‘de Manav Dimitri zimmî târih-i i‘lâm gecesi sa‘at birde Galata sûkunda anama ve avratıma cimâ‘ lafzıyla bi’l-muvâcehe şetm etmekle mûcib-i şer‘îsini taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsına ikāmet-i beyyine edemeyip bi’t-taleb mersûm Dimitri müdde‘î-i mersûm muvâcehesinde vech-i şer‘î üzere tahlîf olunmağın mûcebince müdde‘î-i mersûm da‘vâ-yı mezkûresiyle mersûm Dimitri zimmîye bilâ-beyyine mu‘ârazadan men‘ olunduğu bi’[l]-iltimâs huzûr-ı âlîlerine i‘lâm olundu. Fî 3 C sene [1]221.