Galata Mahkemesi 580 Numaralı Sicil (H. 1221-1222 / M. 1806-1808) cilt: 84, sayfa: 332 Hüküm no: 512 Orijinal metin no: [50b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Hüseyin’in muhala‘a yoluyla kocası Hacı Abbas Kapudan’dan boşandığı ve evlilik hukukuyla ilgili birbirlerinin zimmetlerini ibra ettikleri Galata’da Yolcuzâde Mahallesi’nde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Fâtıma bt. Hüseyin nâm hatun meclis-i şer‘-i şerîf-i enverde zevc-i muhâlı‘ı işbu bâ‘isü’l-vesîka el-Hâc Abbas Kapudan b. Yusuf mahzarında ikrâr-ı tâm ve takrîr-i kelâm edip mezbûr el-Hâc Abbas Kapudan zevc-i dâhilim olup lâkin beynimizde hüsn-i mu‘âşeretimiz olmamağla ben hul‘a tâlib ve râgıb olduğum ecilden zimmetinde mütekarrir ve ma‘kūdun-aleyh olan elli guruş mehr-i müeccelim ile ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr ile muhâla‘a-i sahîh-i şer‘iyye ile hul‘ olduğumda ol dahi ber-vech-i muharrer hul‘-ı mezkûru ba‘de’l-kabûl hukūk-ı zevciyyete ve hukūk-ı sâire-i şer‘iyyeye müte‘allika âmme-i da‘vâdan herbirimiz âharın zimmetini ibrâ ve iskāt ve herbirimiz ber-vech-i meşrûh âharın ibrâsını kabûl eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 16 Ra sene 1221.