Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 124 Hüküm no: 179 Orijinal metin no: [73-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasköy Subaşılığına Ali Bey’in tayin edilmesi Vech-i tahrîr-i hurûf budur ki, uhdemizde olan gümrük mülhakātından Hasköy Subaşılığı işbu bin yetmiş iki senesi Şevvali’l-mükerremi’nin onuncu günü mâh-be-mâh üçer bin akçe vermek üzre maktû‘an dârende-i temessük Ali Bey’e der-uhde olunup mezbûr târih-i mesfûrdan subaşılığ-ı mersûmu mu‘tâd-ı kadîm üzre zabt u rabtedüp taraf-ı âhardan kimesne müdâhale ve ta‘arruz etmemek içün işbu temessük tahrîr olunup yedine vaz‘ olunmuştur. Tahrîren fi’t-târîhi’l-mezbûr. El-Fakīr el-hakīr en-nâib? bi-…? El-fakīr Mehmed eş-şehîr bi-Âhizâde. Mâ fîhi mine’l-bey‘i ve’ş-şirâ’. Nemekahü’l-fakīr ileyhi te‘âlâ Mustafa en-nâib bi-mahkemet-i Hasköy ufiye anh.