Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 78 Hüküm no: 49 Orijinal metin no: [8b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah bt. Abdullah’ın cariyesini azat ettiği Mahmiye-i İstanbul’da Ali Paşa-yı Atîk Mahallesi’nde sâkine Emetullah bt. Abdullah nâm hatun makām-ı kazâda kendüye rıkkını mu‘terife olan açık kaşlı, gök gözlü, Rusiyyetü’l-asl Pervane bt. Abdullah nâm câriye-i memlûkesi muvâcehesinde ikrâr edip memlûkem mevsûfe-i mezbûreyi vefâtımdan kırk gün mukaddem âzâd olmak üzere tedbîr-i mukayyed ile müdebbire eyledim, bi-emri’llâhi te‘âlâ kazâ-i nahb eylediğimde mezbûreyi sâir harâir-i asliyyât gibi hürre olup üzerinde veresem için hakk-ı velâdan gayrı hakları kalmadı dedikde mâ-vaka‘a bi’t-taleb ketb olundu. Tahrîren fi’l-yevmi’r-râbi‘ aşer min-Şa‘bâni’l-mu‘azzam li-sene selâse ve sittin ve elf. Şuhûdü’l-hâl: Veli Ağa b. ( ), Ali Efendi el-Kādı, Mahmud Bey, Ahmed Çelebi, Attâr Şa‘ban, Mustafa Çelebi, Hasan Çelebi [b.] Kanber, İbrahim Çelebi b. Davud.