Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 394 Hüküm no: 570 Orijinal metin no: [306-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Nikola’nın dükkân kiracısı Yorgi v. Mihal’in tahliyesini istediği Mahmiye-i Kostantıniyye’de Rum tâ’ifesinden Yorgi v. Nikola nâm zimmî meclis-i şer‘-i şerîfde Havâss-ı aliyye kazâsına tâbi‘ Hasköy sükkânından Yorgi v. Mihal nâm zimmî[yi] ihzâr ve mahzarında takrîr-i da‘vâ edip mezbûr Yorgi benim mülk dükkânım içinde olup mâh be mâh kirâsını vermek üzre kavl edip eğer mezbûrun ahvâl-i akvâlinden râzı olursam bir nice yıl içinde dursun, eğer râzı olmazsam yine dükkânıma âhar komak üzre va‘de eylemiş idim el-hâletü hâzihî merkūm Yorgi’den mahzûz değilim, dükkânımdan kasr-ı yed etmeğe tenbîh-i vâki‘ kendinden dahi suâl olunmak matlûbumdur dedikde mezbûr Yorgi cevâbında rûz-ı Hızırın (…) dükkânını tahliye edip yedine işbu (…) (…) min şehri Muharremi’l-harâm sene [105]3. Şuhûdü’l-hâl: (…)