Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 399 Hüküm no: 585 Orijinal metin no: [311-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vefat eden Hacı’nın Hristos’da kalan alacağının tahsil edildiği Sebebi tahrîr oldur ki, bundan akdem Hristos v. Yani dergâh-ı âlî kapıcılarından el-Hâc Kapıcı ki nefs-i Kostantıniyye Kırkçeşme kurbunda sâkindir, mezbûr Hristos v. Yani Hacı Kapıcı yedinden on iki bin akçe nakid ve yirmi flori çuka bahâsından olan karz akçeyi bi-hasebi’ş-şer‘i’ş-şerîf edâ olunmadan Hacı vefât edip sagīr oğlu Osman ve sagīre kızı Nimetullah kalıp sagīr ve sagīre olmağın kıbel-i şer‘den fahrü’l-a‘yân Osman Ağa b. Mustafa vasî nasb olunup bi-hasebi’l-vesâye meblağ-ı mezbûru taleb eylediğimde ikrâr edip bi-hasebi’l-ikrâr vesâyetim hasebiyle ahz u kabz eyledim zimmetini berî ettim, yetîm ve yetîmenin Hristos zimmetinde on iki binden ve çuka bahâsından zimmetinde nesne kalmamışdır, vech-i meşrûh üzre ikrârım fi’l-hakīka kayd-ı sicil olunup cânib-i şer‘den berâetine hüccet verin dedikde kayd-ı sicil olunmağın cânib-i şer‘den hüccet verildi. Cerâ zâlike ve hurrire fî şehri Şevvâl sene ihdâ ve ışrîn ba‘de’l-elf. Şuhûdü’l-hâl: Ali Çelebi, Bekir Çelebi, Mehmed Efendi