Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 405 Hüküm no: 601 Orijinal metin no: [317-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Medek v. Mesak’ın Eğin’deki bağını Sefer v. İkob’a sattığı Oldur ki Anadolu sâkinlerinden Arapgir sancağından Eğin kazâsına tâbi‘ Boycu karyesi demekle ma‘rûf karyeden Medek v. Mesak nâm Ermeni yine karye-i mezbûreden Sefer v. İkob nâm Ermeni muvâcehesinde takrîr-i kelâm edip karye-i mezbûrede olan bağım bir tarafı Kereber mülküne ve bir tarafı tarîk-i âmma muttasıl ve bir tarafı şehre muttasıl olan mülk bağım mezbûr Sefer’e sekiz bin nakd-i râyic fi’l-vakt akçeye bey‘-i bâtt-ı sahîh ile bey‘ eyledim kabz-ı semen ve teslîm-i mebî‘ kıldım ba‘de’l-yevm mülk-i müşterâsı olup keyfemâ yeşâ ve yehtâr mutasarrıf olsun dedikde mukırr-ı mezbûrun vech-i meşrûh üzre olan ikrârını mukarrun lehü’l-merkūm kabûl vicâhen tasdîk ve şifâhen tahkīk ettikden sonra bu vesîka-i enîka alâ mâ hüve’l-hakīka ketb olunup. Tahrîren fî evâhiri Zilhicceti’ş-şerîfe sene ihdâ ve ışrîn ve elf. Şuhûdü’l-hâl: Yakub Beşe b. Abdullah, Vardik v. İkob, Karabet v. Renbor, Emerbek v. Vepar, Hacik v. Emrik, Emerbek v. Bormek