Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 406 Hüküm no: 609 Orijinal metin no: [319-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Abdullah’ın nafakasına güç yetiremediği için kızını Mehmed b. Abdullah’a evlatlık verdiği Oldur ki, Hasköy’de Turşucu Hüseyin Çelebi mahallesinde sâkin Mustafa b. Abdullah nâm kimesne mahfil-i kazâda Keçeci mahallesinde sâkin Mehmed b. Abdullah nâm kimesne muvâcehesinde takrîr-i kelâm ve ta‘bîr ani’l-merâm edip dedi ki sulbiye kızım Meryem nâm bâkirenin yevmî ikişer akçe nafaka ve kisve takdîr olunup şimdi nafaka ve kisveye adem-i kudretim olduğuna binâ’en mezbûr Mehmed b. Abdullah nafaka ve kisve mukābilinde sulbiye kızı olmak üzre verdim bir dahi kızım Meryem deyû da‘vâ ve nizâ‘ edersem mezbûr Mehmed b. Abdullah benden yevmî ikişer akçe nafaka ve kisvesin taleb etsin dedikde mukırr-ı mezbûrun vech-i meşrûh üzre olan ikrârın mukarrun lehü’l-mesfûr kabûl ve tasdîk ettikden sonra mâ hüve’l-vâki‘ gıbbe’t-taleb ketb olundu. Tahrîren fî evâili Zilhicceti’ş-şerîfe sene ihdâ ve ışrîn ve elf. Şuhûdü’l-hâl: Yusuf b. Abdullah, Hamza b. İsmail, Yolcu b. Süveydî, Yusuf b. Abdullah