Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 94 Hüküm no: 93 Orijinal metin no: [56-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Bodine bt. Yako’nun Rus asıllı câriyesi Balaşka bt. Levane’yi sağlığında azat ettiği Hasköy’de Hacı Şaban mahallesinde sâkine iken bundan akdem hâlike olan Bodine bt. Yako nâm Yahudiyenin sadrî kebîr oğlu İsak v. Samuyel nâm Yahudi meclis-i şer‘de işbu orta boylu açık kaşlı gök gözlü a‘rec Rûsiyyetü’l-asl Balaşka bt. Levane nâm câriye muvâcehesinde ikrâr ve i‘tirâf edip mezbûr Balaşka vâlidem hâlike-i mezbûre Bodine’nin câriyesi olup târih-i kitâbdan altı sene mukaddem hâl-i hayâtında ve kemâl-i sıhhatinde câriye-i mezbûreyi lâ li-ivazin ‘âcil ve lâ li-garazin âcil malından âzâd ve i‘tâk ve tahrîr edip sâir harâir-i asliyyât zümresine idhâl eylemişdi hâlâ ben dahi mezbûr i‘tâk ve tahrîrini ...? oldum deyicek mâ vaka‘a kayd [şüd]. Fî 24 Rebî‘ilevvel sene [10]89. Şuhûdü’l-hâl: Mehmed Çelebi Muhtesib, Ali Çelebi ..?, Dilâver Bey ..?