Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 159 Hüküm no: 195 Orijinal metin no: [112-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hekim Mosi’nin evlâdından olup muafnâmesi bulunan Aslan’ın evine konak kondurulmaması talebi hakkında buyruldu Sah Mu‘âfnâme-i hümâyûn mûcebince amel olunup evine konak kondurulmaya deyû buyruldu. 18 Receb sene [10]90. Devletlü ve sa‘âdetlü sultânım hazretleri sağ olsun. Bu kulları merhûm ve mağfûrun-leh Ebü’l-feth Sultan Mehmed Hân -tâbe serâhu- hazretlerinin kendiyi [ve] evlâd ve evlâdını tekâlîf-i örfiyye ve şâkka ve cizyeden ve evine konak konmakdan mu‘âf ve müsellem eylediği Hekim Dominik? oğlu Hekim Mosi’nin evlâdından olup hâliyâ yedimde olan mu‘âfnâme-i hümâyûn-ı âlişâna mugāyir Hasköy’de vâki‘ menzile konak konulmak te‘addîsi ile ra‘iyyet olunmağla mercûdur ki yedimde olan mu‘âfnâme-i hümâyûna mugāyir menzile kimesne konak konmamağın rencîde olunmamak bâbında fermân-ı şerîf ihsân olunmak ricâsına bâkī fermân sultânım hazretlerinindir. Aslan Yahudi evlâdından