Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 165 Hüküm no: 214 Orijinal metin no: [118-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cayeden v. Şabatay’ın Atanaş’a ev kirasından kalan borcu için İsak v. Musa’nın kefil olduğu Kasaba-i Hasköy ahâlîsinden Atanaş nâm zimmîye menzil icâresinden iki bin yüz akçeden teslîm altı yüz akçe def‘a yüz akçe dahi bâkī bin dört yüz akçe deyni olan Cayeden v. Şabatay nâm Yahudinin zimmetinde bâkī kalan meblağ-ı mezbûr bin dört yüz akçenin dört yüz akçesine işbu hâzır bi’l-meclis İsak v. Musa nâm Yahudi emr-i kabûlü hâviye kefâlet-i sahîha-i şer‘iyye ile kefîl olup ve târih-i kitâbdan doksan gün tamâmına değin mezbûr İsak Yahudi edâsına kefîl olduğu dört yüz akçe[yi] târih-i mezbûr hulûlünde edâ edip bâkī kalan bin akçeyi hîn-i mütâlebede meclis-i şer‘a ihzârına kefîl bi’n-nefs olduğu dahi kayd şüd. Hurrire fî 27 min Zilhicceti’ş-şerîfe sene [10]89. Şuhûdü’l-hâl: Mehmed Bey b. Ali Muhtesib, Ali Çelebi b. ( ) el-Bevvâb, Hüseyin b. Nimetullah, Seyfullah Çelebi