Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 172 Hüküm no: 230 Orijinal metin no: [124-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasköy’ün 1089 yılı ihtisâb ve ihzâriyyesinin Mehmed Bey ile Ali Bey’e verildiği Vech-i tahrîr hurûf oldur ki Hasköy kazâsının ihtisâb ve ihzâriyyesi kapıcıoğullarına mahsûs olup vekâletimiz ve kitâbetimiz hasebiyle bin seksen dokuz Şa‘bânü’l-mu‘azzamı’nın gurresinden sene tamâmına değin işbu sâhibü’t-temessük Mehmed Bey ve Ali Bey iştirâken zabt eylemek üzre zabtı sipâriş olunup gerekdir ki merkūmları dahi olageldiği üzre zabt u rabt edip mâh-be-mâh bin sekiz yüz akçe edâ ve teslîm eylemek üzre işbu hurûf ketb olunup âhardan kimesne müdâhale etmemek üzre yedlerine temessük verildi. Fî 12 Receb sene [10]89. Mehmed Kâtib-i bevv[â]bân Minvâl-i muharrer üzre Mehmed Bey ile ale’l-iştirâk kendi rızâlarıyla Süleyman Bey ile râzı olmağla bu mahalle kayd olundu. Kâtib Mustafa kendi re’yi ile yazmışdır Ali Bey iştirâke rızâ vermemişdir Mehmed Bey rızâ vermişdir?.