Hasköy Mahkemesi 10 Numaralı Sicil (H. 1085 - 1090 / M. 1674 - 1679) cilt: 30, sayfa: 176 Hüküm no: 242 Orijinal metin no: [127-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sefere gidecek olan askerlerden Hasköy’deki evlerde ve hanlarda barınanların derhal çıkarılması Sahîh Hâslar kazâsına umûr-ı şer‘iyye icrâsıyla me’mûr olan Muharrem Efendi sefere me’mûr olan tavâif-i askerden ba‘zıları ol taraflarda vâki‘ hanlarda ve evlerde mütemekkin olup hâlâ hareket etmedikleri istimâ‘ olunmağın imdi mahalle imâmların getirip muhkem tenbîh eyleyesiz ki min ba‘d hanlarda ve mahallât arasında vâki‘ evlerde olan askerî tâifesini ihrâc eyleyesiz mütenebbih olmayıp te‘allül edenleri gelip huzûrumuza i‘lâm edeler ki ol makūleleri sâire mûcib-i ibret için muhkem haklarından geline bundan sonra imâmlar müsâmaha ederlerse imâmetleri âhara tevcîh olunduğundan gayrı eşedd-i ukūbet olurlar âna göre tekayyüd oluna deyû buyruldu. Fî 14 ( ) sene 1089.