İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 104 Hüküm no: 81 Orijinal metin no: [8a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gülşah bt. Abdullah’ın vakfettiği evinde Ali b. Ebûbekir’in ikâmetine izin verilmesi Merhûme Gülşah bt. Abdullah nâm sâhibetü’l-hayrın mahmiye-i İstanbul’da mahalle-i Debbâğ Yunus mahallesinde vâki‘ iki beyt-i ulvî ve bir ahır ve kenîfi müştemil olup, etrâf-ı selâsesi Hüseyin Bey mülkü ve taraf-ı râbi‘i tarîk-i âm ile mahdûd olup, süknâsı her sabah rûhiyçün üç İhlâs-ı şerîf tilâvet etmek üzre sulehâya vakf ve şart eylediği menzilin ber-mûceb-i şart-ı vâkıf tevcîh-i hâkim ile sâkini olan Hasan Efendi b. Mehmed hüsn-i ihtiyârıyla fâriğ olup menzil-i mezbûr mahlûl olmağın, işbu râfi‘ü’l-kitâb Ali Efendi b. Ebîbekir sâlih ve mütedeyyin olduğundan mâ‘adâ meskene eşedd-i ihtiyâc ile muhtâc olmağın menzil-i mezbûrun süknâsı mûmâ-ileyh Ali Efendi’ye tevcîh olunup, mâ vaka‘a ketb olundu. [Fî] Gurre-i Rebî‘ilevvel sene [10] 27. Şuhûdü’l-hâl: Ahmed b. Mehmed el-kâtib, Mehmed b. Murad, Hamza Dırâz? b. Mustafa, Mehmed b. Eyüb.