.:: İstanbul Kadı Sicilleri ::.


İstanbul Mahkemesi 3 Numaralı Sicil (H.1027/ M. 1618)
cilt: 13, sayfa: 141
Hüküm no: 146
Orijinal metin no: [15b-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Bakkal İsteryanos v. Aviro’nun Aleke v. Nikola ile olan alacak davasında anlaştığı

Bakkal tâ’ifesinden İsteryanos v. Aviro nâm zimmî meclis-i şer‘-i şerîfde işbu râfi‘ü’l-kitâb Aleke v. Nikola nâm zimmî muvâcehesinde ikrâr u i‘tirâf edip, mezbûr Aleke zimmetinde cihet-i karz-ı şer‘îden beş bin akçe hakkım olup bi hasebi’ş-şer‘ da‘vâ ettiğimde, meblağ-ı merkūma hükm olunup, tahsîl için hapisde iken muslihûn-ı Müslimûn tavassut edip meblağ-ı merkūmu bin akçeye sulh ettikleri[nde], ben dahi sulh-ı mezbûru kabûl ve bedel-i sulh olan meblağ-ı mesfûru merkūmun yedinden bi’t-tamâm ahz u kabz etdim. Ba‘de’l-yevm husûs-ı mezbûra müte‘allik benden da‘vâ sudûr ederse lede’l-hükkâmi’l-kirâm mesmû‘a olmasın dedikde, gıbbe’t-tasdîki’ş-şer‘î mâ va[ka‘a] ketb olundu. Fi’t-târihi’l-mezbûr.


Şuhûdü’l-hâl: Mehmed b. Abdullah, Ali b. Abdullah, Abdurrahman b. Süleyman, Abdülcelîl b. Hüdâverdi, Ahmed b. Ömer.