İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 156 Hüküm no: 172 Orijinal metin no: [18b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Büyütülmesi için anneannesi Emine’ye verilen Ali b. Şaban’a nafaka tayin edildiği Mahmiye-i Kostantıniyye mahallâtından Baklalı mahallesi sâkinelerinden Emine bt. Mehmed nâm hâtun mahfil-i kazâda Şaban b. Abdullah muvâcehesinde takrîr-i kelâm edip, mezkûr Şaban’ın zevcesi olup bundan akdem vefât eden sulbiye kızım Sâliha nâm hâtundan mütevellîd mezbûr Şaban’ın fürû‘u Ali nâm sagīrin ceddesi olduğum hasebiyle hakk-ı hıdâne ve hıfz ve terbiyesi bana teveccüh etmeğin, hâlâ sagīr-i mezbûr bana teslîm olunmasın taleb ederim dedikde, gıbbe’s-suâl merkūm Şaban cevâbında, fi’l-hakīka vech-i meşrûh üzre hakk-ı hıdâne mezbûrun olduğunu tasdîk edicek, sagīr-i mezbûr merkūme Emine’ye teslîm olunup, mezbûre talebiyle kıbel-i şer‘den nafaka ve kisve ve sâir levâzım-ı zarûriyyesi için târih-i kitâbdan yevmî dört akçe farz u takdîr olunduğun kayd olundu. Şuhûdü’l-hâl: Ramazan b. Abdullah, Abdünnebî b. İbrahim, Ali b. Mahmud, Ahmed b. Derviş ve gayruhüm.