İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 161 Hüküm no: 182 Orijinal metin no: [19b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Derviş’in, çiftliğinin tasarruf hakkını Kadı Ahmed Efendi’ye sattığı Süleyman b. Derviş nâm kimesne mahfil-i kazâda sâhibü’l-kitâb fahrü’l-kuzât Ahmed Efendi b. Mustafa mahzarında ikrâr-ı tâm ve takrîr ani’l-merâm edip, vilâyet-i Anadolu’da Çerkeş kazâsına tâbi‘ Alayuntlu nâm karyede vâki‘ irs-i şer‘le babamdan intikāl eden hâlâ mülkiyyet üzre mutasarrıf olduğum Bayburd Çiftliği demekle ma‘rûf inde’l-ahâlî ve’l-cîrân ma‘lûmü’l-hudûd tahmînen yirmi kıt‘a tarla mezra‘amın hakk-ı tasarrufun sâhib-i arz ma‘rifetiyle mûmâ-ileyh Ahmed Efendi’ye nakd-i râyic fi’l-vakt üç bin akçeye tefvîz eyledim, mukābili tefvîzinde olan meblağ-ı merkūm üç bin akçe müşârun-ileyh Ahmed Efendi yedinden ahz u kabz edip mez[ra]‘a-i mezbûreyi teslîm eyledim ve ol dahi tefevvüz ve tesellüm eyledi dedikde, gıbbe’t-tasdîki’ş-şer‘î ketb ü tahrîr olundu. Şuhûdü’l-hâl: Fahrü’l-müsta‘id Ali b. Osman, Fahrü’l-kuzât Ahmed b. İsa, Fahrü’l-müsta‘id Mustafa, Fahrü’l-müsta‘id Sunullah b. Atâullah.