İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 333 Hüküm no: 482 Orijinal metin no: [55a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Abdullah’ın Veli b. Ali ile alacak davasında sulh olduğu Mahmiye-i Kostantıniyye mahallâtından Vefa mahallesi sâkinlerinden Mustafa [b.] Abdullah nâm kimesne meclis-i şer‘de Veli b. Ali nâm kimesne mahzarında ikrâr ve i‘tirâf edip, bundan akdem mezbûr Veli’ye deyn-i şer‘îden altı yüz akçe verip, hâlâ meblağ-ı mezkûru taleb ettiğimde, vermede ta‘allül ve inkâr edip beynimizde münâza‘ât-ı kesîre vâkı‘a olmuş idi. El-hâletü hâzihî beynimize muslihûn tavassut edip, beni üç yüz akçe üzre sulh edip ve bedel-i sulh olan üç yüz akçeden yüz akçesin alıp kabz edip, bâkī iki yüz akçenin ayda yüz akçe vermek üzre taksît eyledim dedikde, mukırr-ı mezbûrun vech-i meşrûh üzre cârî olan ikrârı el-mukarru lehü’l-mezbûr bi’l-muvâcehe tasdîk edicek, mâ hüve’l-vâki‘ bi’t-taleb ketb olundu. Hurrire fi’l-yevmi’s-sânî min şehri Recebi’l-mürecceb li sene seb‘a ve ışrîn ve elf. Şuhûdü’l-hâl: Murad b. Halil, Hasan b. Ahmed, Mustafa b. Hamza, Halil b. İbrahim, Hamza b. Mustafa, Sinan b. Abdullah.