İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 397 Hüküm no: 595 Orijinal metin no: [69b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Beşe b. Osman’ın menzilini geri almak kaydıyla (bey‘ bi’l-vefâ) Şemuyil v. Azra’ya sattığı Mahmiye-i İstanbul’da Defterdâr Ahmed Çelebi mahallesi sâkinlerinden Ahmed Beşe b. Osman er-râcil meclis-i şer‘de Şamael v. Azra muvâcehesinde ikrâr ve takrîr-i kelâm edip, mahalle-i mezbûrede vâki‘ bir tarafı Müstedam Çavuş b. Abdullah mülkü ve bir tarafı Ruşen b. İlyas mülkü ve iki tarafı tarîk-i âm ile mahdûd olup, iki bâb fevkānî ve bir bâb tahtânî evleri ve ahırı ve fırını ve bi’r-i mâyı ve bahçeyi müştemil olan muhavvatayı hâvî mülk menzilimi, mezbûr Şemuyil’e târih-i kitâb gününden doksan gün tamamına değin bey‘ bi’l-vefâ tarîki ile vasî Osman’a elli beş bin akçeye bey‘ edip kabz-ı semen ve teslîm-i mebî‘ eyledim dedikde, mukırr-ı merkūmun vech-i meşrûh üzre cârî olan ikrârın el-mukarru lehü’l-mezbûr bi’l-muvâcehe tasdîk etdikden sonra, Dilaver b. Abdullah nâm kimesne meclisde hâzır olup menzil-i mezkûrûn derkine emr ve kabûlü hâviye kefâlet ile kefîl oldum dedikde, mâ hüve’l-vâki‘ bi’t-taleb ketb olundu. Hurrire fi’l-yevmi’s-sânî min Şa‘bâni’l-mu‘azzam li sene seb‘a ve ışrîn ve elf. Şuhûdü’l-hâl: Hızır b. Abdullah, Sinan b. Abdullah, Halil b. İbrahim, Receb b. Musa, Ahmed b. Ömer.