İstanbul Mahkemesi 3 Numaralı Sicil (H.1027/ M. 1618) cilt: 13, sayfa: 408 Hüküm no: 615 Orijinal metin no: [72b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen İsmail Çavuş’un kilise fakirlerine ait vakfa borcunu ödemesi için oğlu Mehmed Çelebi’nin ikâz edildiği Mahmiye-i Kostantıniyye’de Yahud tâ’ifesinden Atkarad? cemââtinden kiliseleri fukarâsı vakfına bi’l-fi‘il mütevellî olan Yani b. Kazar nâ[m] zimmî meclis-i şer‘-i kavîmde, Mehmed Çelebi b. İsmail Çavuş muvâcehesinde üzerine da‘vâ edip, vakf-ı mezbûrdan olup Kâtib Kasım mahallesinde vâki‘ etrâf-ı selâsesi vakf-ı mezbûre, taraf-ı râbi‘i tarîk-i hâs ile mahdûd olup, büyût-ı müte‘addideyi müştemil olan menzilde bundan akdem mezbûr Mehmed Çelebi’nin babası mûmâ-ileyh İsmail Çavuş icâre ile mutasarrıf iken fevt olmakla, menzil-i mezbûrun icâresinden mezbûr İsmail Çavuş zimmetinde dört yıllık olmak üzre dört bin akçe kalmışdır. Mezbûr Mehmed Çelebi muhallefâtına vâzı‘u’l-yed olmağın suâl olunup muhallefât-ı merkūmeden alıverilmesin taleb ederim dedikde, gıbbe’s-suâl mezbûr Mehmed Çelebi ikrâr edip, fi’l