İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 413 Hüküm no: 436 Orijinal metin no: [54b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saray-ı atik Pazarbaşısı Mehmed Bey b. Mahmud’un Ayşe Hatun’dan aldığı para ödemesi için tenbih edildiği İkrâr-ı deyn Mahmiye-i İstanbul’da Efdalzâde mahallesinde sâkine işbu râfi‘atü’l-kitâb Âişe Hatun bt. Mehmed Çavuş meclis-i şer‘de sâbıkā Saray-ı atik-i sultanî Pazarbaşı Mehmed Bey b. Mahmud mahzarında üzerine da‘vâ <> edip mezbûr Mehmed Bey’e târih-i kitâbdan iki sene mukaddem yüz elli kıt‘a zolota guruş ikrâz ve teslîm eylemiş idim. Hâlâ suâl olunup alıverilmek taleb ederim dedikde gıbbe’s-suâl mezbûr Mehmed cevâbında fi’l-vâki‘ müdde‘iye-i mezbûreye zimmetimde yüz elli kıt‘a zolota guruş lâzım ve vâcibü’l-kazâ deynim vardır deyü bi-tav‘ihiikrâr etmeğin alâ-mûceb-i ikrârihî meblağ-ı mezbûru müdde‘iye-i mezbûreye edâya tenbîh birle mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ ve’l-işrîn min-şehri Ramazani’l-mübârek li-sene isneyn ve seb‘în ve elf. Şuhûdü’l-hâl: Mustafa Ağa b. Mehmed, Hüseyin Bey b. Musa el-mübâşir, Mustafa b. İsa, Mustafa b. Mehmed el-kassab.