İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 479 Hüküm no: 536 Orijinal metin no: [66a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maktul Mimarbaşı Mustafa Ağa’nın cariyesi Rus asıllı Neslihan’ın hür olduğu Itâknâme. Ve yine magzûben katl olunan Mi‘mârbaşı Mustafa Ağa’nın menzilinde sâkine açık kara kaşlı, kara gözlü Rusiyyü’l-asl Neslihan nâm sagīrenin kıbel-i şer‘den mansûb vasîsi olan Hanefî Çelebi b. Ali meclis-i mezbûrda maktûl-i mezbûrun bâ-fermân-ı âlî cümle metrûkâtını cânib-i mîrî için zabteden müşârün-ileyh efendi hazretleri huzûrunda bi’l-vesâye da‘vâ edip vasîsi olduğum sagīre-i mezbûre Neslihan maktûl-i mezbûrun câriye-i memlûkesi olup katl olunmazdan bir gün mukaddem Çavuşbaşı habsindeyken Mezbûr Mustafa Ağa sagīre-i mezkûreyi hasbeten lillâh tahrîr ve i‘tâk edip bâlâda tafsîli mürûr ettiği vech üzere [hürriyeti] isbât olunduğu kayd-şüd. Fi’t-târihi’l-mezbûr sene [10]72. Şuhûdü’l-hâl: es-Sâbıkūn.