İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 481 Hüküm no: 542 Orijinal metin no: [66b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maktul Mimarbaşı Mustafa Ağa’nın kölesi Rus asıllı Küçük Ali’nin hür olduğu Itâknâme. Ve yine magzûben katl olunan Mi‘mârbaşı Mustafa Ağa’nın menzilinde sâkin açık kaşlı, gök elâ gözlü Rusiyyü’l-asl Küçük Ali nâm sagīrin mansûb vasîsi olan Hanefî b. Ali meclis-i mezbûrda maktûl-i mezbûrun bâ-fermân-ı âlî cümle metrûkâtını cânib-i mîrî için zabteden müşârün-ileyh efendi hazretleri huzûrunda bi’l-vesâye üzerine da‘vâ edip vasîsi olduğum sagīr-i mezbûr Küçük Ali maktûl-i mezbûrun abd-i memlûkü olup katl olunmazdan bir gün mukaddem Çavuşbaşı habsindeyken mezbûr Mustafa Ağa sagīr-i mezbûru hasbeten lillâhi’l-hallâk tahrîr ve i‘tâk eylediği bâlâda tafsîli mürûr ettiği vech üzere isbât olunup hür olunduğu kayd-şüd. Fi’t-târihi’l-mezbûr sene [10]72. Şuhûdü’l-hâl: es-Sâbıkūn.