İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 537 Hüküm no: 624 Orijinal metin no: [76a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Derviş’in, boşadığı eşi Alime bt. Ali Çelebi’ye ait zâyi ettiği eşyalarının bedelini ödemesi Mahmiye-i İstanbul’da Şeyh Vefâ mahallesinde sâkine râfi‘atü’l-kitâb Âlime bt. Ali Çelebi meclis-i şer‘-i hatîrde zevci Mustafa b. Derviş mahzarında üzerine da‘vâ ve takrîr-i kelâm edip zevcim mezbûr Mustafa bundan akdem beni tatlîk etdikde yedinde bir yemenî yorgan ve bir cedîd Yanbolu kebesi ve bir köhne velencem kalmışdır, taleb ederim, [suâl] olunsun dedikde gıbbe’s-suâl mezbûr Mustafa cevâbında eşyâ-i mezkûre yedinde te‘addîsi ile zâyi‘ olduğun tav‘an ikrâr ve i‘tirâf etmeğin mûcebince eşyâ-i mezkûre mevcûde olmamağla ba‘de’s-sübûti’ş-şer‘î kıymetlerini müdde‘iye-i mezbûre Âlime Hatun’a teslîme mezbûr Mustafa’ya tenbîh olunup mâ-vaka‘a bi’t-taleb ketb olundu. Fi’l-yevmi’s-sâdis ve’l-işrîn min-Şevvali’l-mükerrem li-sene isneyn ve seb‘în ve elf. Şuhûdü’l-hâl: es-Sâbıkūn.