İstanbul Mahkemesi 10 Numaralı Sicil (H. 1072-1073 / M. 1661-1663) cilt: 51, sayfa: 639 Hüküm no: 743 Orijinal metin no: [94b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Cafer b. Behram’ın Rus asıllı cariyesi Gülistan’ı azat ettiği Itknâme. Mahmiye-i İstanbul’da Gül Câmi‘i mahallesinde sâkin el-Hâc Cafer b. Behram tarafından ikrâr-ı âti’z-zikre vekîl olup vekâleti İbrahim b. Abdullah ve diğer İbrahim b. ( ) el-attar şehâdetleri ile şer‘an vekâleti sâbite olan eş-Şeyh Mustafa b. Mehmed meclis-i şer‘de bi’l-vekâle ikrâr ve takrîr-i kelâm edip müvekkil-i mezbûrun ümm-i veled-i olan orta boylu gök elâ gözlü Rusiyyetü’l-asl Gülistan bt. Abdullah nâm câriyesini hasbeten lillâhi te‘âlâ ve taleben li-merzâti Rabbihî’l-a‘lâ tahrîr ve i‘tâk ve silk-i harâ’ir-i asliyâta idrâc ve ilhâk eyledi ba‘de’l-yevm mezbûre Gülistan sâir harâ’ir-i asliyât gibi hürre olup üzerinde velâdan gayrı hakkı[m] bâkī kalmadı dedikde vâki‘u’l-hâl bi’t-taleb ketb olundu. Fi’l-yevmi’t-tâsi‘ ve’l-işrîn min-Şevval li-sene isneteyn ve seb‘în ve elf. Şuhûdü’l-hâl: es-Sâbıkūn.