.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 122
Hüküm no: 35
Orijinal metin no: [3b-6]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Menzilinin mülknâmesi zayi olan Yusuf b. Ahmed’in mülknâmesinin yeniden yazıldığı

Mülknâme bi’l-ihbâr Mahmiye-i İstanbul’da Hasanpaşa mahallesi sâkinlerinden râfi‘ü’l-kitâb Yusuf b. Ahmed nâm kimesne meclis-i şer‘-i hatîrde takrîr-i kelâm ve tasvîr-i merâm edip mahalle-i mezbûrede vâki‘ bir tarafı Ahmed b. Mustafa ve bir tarafı Receb Subaşı mülkleri ve bir tarafı Fâtıma Hâtun mülkü ve bir tarafı tarîk-i âm ile mahdûd menzilimin mülknâmesi zâyi‘ oldu. Menzil-i mezbûr benim mülk ve hakkım olduğunu mahallem ahâlîsinden sikātdan işbu hâzır bi’l-meclis olan müslimînden istihbâr ve haberleri ketb ü tahrîr ve sûreti yedime def‘ ve teslîm olunmak matlûbumdur dedikde umdetü’l-müderrisîni’l-fihâm Abdülcelil Efendi b. Mustafa ve ahâlî-i mahalleden Mehmed b. Ali ve Sefer b. Receb ve Ahmed b. Mehmed ve Hasan b. Hızır ve Mustafa b. İsâ nâm kimesnelerden istihbâr olundukda her biri fi’l-hakīka menzil-i mahdûd-ı mezbûr ilâ hâze’l-ân müstahber-i mezbûr Yusuf’un mülk-i mahzı ve hakk-ı sarîhidir deyû alâ tarîki’ş-şehâde haber verdiklerinde vâki‘ü’l-hâl mezbûr Yusuf talebiyle ketb ve imlâ ve yed-i tâlibe def‘ ve i‘tâ olundu. Fi’l-yevmi’s-sâmin aşer min şehri Ramazâni’l-mübârek sene 1073.


Şuhûdü’l-hâl: El-Hâc Ahmed b. Mahmud, Mehmed b. Ali, Şükrullah Bey b. Mustafa, Abdi Çelebi b. Hüseyin.