.:: İstanbul Kadı Sicilleri ::.


İstanbul Mahkemesi 12 Numaralı Sicil (H. 1073-1074/M. 1663-1664)
cilt: 16, sayfa: 197
Hüküm no: 160
Orijinal metin no: [13b-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mühtedî Receb’in vefatıyla çocukları Mustafa ve Hatice’ye Mehmed Beşe b. Receb’in vasî tayin edildiği

Vesâyet Medîne-i Galata müzâfâtından Marmara adasında vâki‘ Povastiyo nâm karye ahâlîsinden hâl-i küfründe ismi Dimitraki ve şeref-i İslâm ile müşerref oldukdan sonra Receb olup ba‘dehû vefât eden kimesnenin sulbî sagīr oğlu ve sulbiye sagīre kızı olup bi hakki’l-hidâne vâlideleri Hıristiya bt. ( ) nâm nasrâniyyenin hacr ve terbiyesinde olan Mustafa ve Hatîce’nin tesviye-i umûru için bir vasî lâzım olmağın işbu hâmilü’l-kitâb Mehmed Beşe b. Receb sagīrân-ı mezbûrâna vasî nasb ve ta‘yîn olundukda ol dahi vesâyet-i merkūmeyi kabûl ve hıdemâtın edâya ta‘ahhüd etmeğin mâ vaka‘a bi’t-taleb ketb olundu. Fi’l-yevmi’t-tâsi‘ aşer min Şevvâli’l-mükerrem sene 1073.


Şuhûdü’l-hâl: Fahrü’l-kuzât ve’l-vülât Abdülbâkī Efendi, Fahrü’l-kuzât Abdülkādir Efendi, Ahmed Çelebi kethüdâ-yı muhzırân, Mehmed Ağa b. Mahmud sermuhzırân, Abdi Çelebi el-Muhzır, Şükrullah Bey el-Muhzır, Mehmed b. Ramazan.